नाऊर बंधाऱ्याच्या प्लेट चोरण्याचा पुन्हा प्रयत्न- सतर्क ग्रामस्थामुळे प्लेट चोरणाऱ्या गाडी सह ३ जण पोलिसांच्या ताब्यात ,
श्रीरामपूर तालुक्यातील नाऊर बंधाऱ्याच्या प्लेट चोरण्याचा पुन्हा प्रयत्न- सतर्क ग्रामस्थामुळे प्लेट चोरणाऱ्या गाडी सह ३ जण पोलिसांच्या ताब्यात ,
श्रीरामपुर तालुक्यातील नाऊर येथील गोदावरी पात्रांमध्ये असलेल्या कोल्हापूर पद्धतीच्या बंधाऱ्याच्या निकामी सुमारे 22 फळ्या चोरून नेत असताना जागृत नागरिकांनी सुमारे १० ते ११ कि. मी. वाहनाचा पाठलाग करून सदर वाहन अडवुन चोरट्यांना चोप देऊन पोलिसांच्या हवाली केले.
सविस्तर वृत्त असे की नाऊर येथील कोल्हापूर पद्धतीच्या बंधाऱ्याच्या फळ्या रात्री १ ते २ च्या सुमारास चोरट्यांनी चोरून घेऊन जात असता काही सतर्क नागरिकांनी पाहिले , चोरट्यांच्या ताब्यात असलेले वाहन क्रं. MH12 -AQ-7172 थांबवण्याचा प्रयत्न केला. मात्र सदर चोरटयांनी अशोक लेलंड कंपनीची दोस्त हे वाहन वेगाने घेऊन पळवल्याने ग्रामस्थांना शंका आली. सदर गाडीचा मोटरसायकल वरून पाठलाग करून उंदिरगाव भागात असलेल्या काही नागरिकांना या घटनेची कल्पना दिली. सुमारे १० ते ११ कि.मी. पाठलाग करत संबधित वाहन पकडून चोरट्याना चोप देऊन पोलिसाच्या स्वाधीन केले.
दरम्यान यापूर्वी देखील तीन वेळेस येथील बंधाऱ्यांच्या लोखंडी फळ्याची चोरी झाली असुन आरोपीना देखील अटक करण्यात आली होती. सातत्याने याच बंधार्‍याच्या फळ्या चोरी जात असुन या बंधाऱ्या लगत पूर्वी असलेली इमारत पुन्हा बांधली तर बर्‍याच अंशी चोऱ्या थांबण्याची शक्यता नागरिकांनी व्यक्त केली.
श्रीरामपूर तालुका पोलिस स्टेशन मध्ये गुन्हा रजिस्टर नंबर 173/2022 कलम 379,511,34 प्रमाणे शासकिय लोखंडी प्लेटाची चोरी केली म्हणून कैलास भागवतराव बोर्डे यांच्या फिर्यादीवरून आरोपी इलिहास मेहमुद शेख वय २४ रा. बिफ मार्केट जवळ वार्ड नं.२. श्रीरामपूर, महेश सुनिल साठे वय (२४) १ वाडी हरेगाव , आनंदा बाळू साळवे ( वय ३३ ) एकवाडी हरेगाव ता. श्रीरामपूर यांना अटक केली असुन त्यांच्या बरोबरचे इतर ३ साथीदार अंधाराचा फायदा घेऊन पळून गेले असुन पुढील तपास डी.वाय.एस.पी. संदिप मिटके व पोलिस निरीक्षक मच्छिंद्र खाडे यांच्या मार्गदर्शनाखाली पोलिस हेड कॉन्स्टेबल सतिश गोरे व पोलिस नाईक दादासाहेब लोढे हे करत आहेत
