योग्य दिशा देणाऱ्या गुरुजींची समाजाला गरज-आदर्श सरपंच भास्कर पेरे
योग्य दिशा देणाऱ्या गुरुजींची समाजाला गरज-आदर्श सरपंच भास्कर पेरे
सरपंच ,जि प सदस्य , नगराध्यक्ष ,आमदार ,खासदार पुढारी हे समाजाचे गुरुजी आहेत या गुरुजींनी चांगले सांगितले तर समाजही ऐकतो त्यामुळे समाजाला चांगल्या गुरुजीची आवश्यकता असल्याचे मत आदर्श गाव समितीचे सदस्य भास्कर पेरे यांनी व्यक्त केले. स्वातंत्र्याचा अमृत महोत्सव व बेलापुर ग्रामपंचायतीच्या शतकपूर्ती महोत्सव निमित्त आदर्श गाव पाटोदा येथील आदर्श सरपंच भास्कर पेरे यांचे व्याख्यान आयोजित करण्यात आले होते कार्यक्रमाच्या अध्यक्षस्थानी सुनिल मुथा हे होते .आपल्या भाषणात पेरे पुढे म्हणाले की गावाला शिस्त लावणे आपल्या हातात आहे .सर्वत्र वसुली बाबत तक्रारी आहेत. लोक पट्टी भरत नाहीत. परंतु लोकांनी टँक्स का भरावा? त्या बदल्यात आपण काय व किती सुविधा देतो. याचेही आत्मपरिक्षण झाले पाहीजे. चांगले रहाणे, चांगले जगणे हा नागरीकांचा अधिकार आहे .गावाला स्वच्छ साफ पाणी पुरवठा करा, गावात स्वच्छता ठेवा, बंदिस्त गटार करा ,मुलांच्या शिक्षणाची काळजी घ्या ,घरातील गावातील जेष्ठांची काळजी घ्या नागरीकांच्या आरोग्याची काळजी घ्या, लोकांना आणखी काय हवे आहे सरपंच हा गावाचा माता पिता ,विठ्ठल रुखमाई आहे हे ध्यानात ठेवा .नागरीकांच्या जिवनाला फायदा होईल अशा सुविधा पुरवा लोकही सांगण्याच्या आगोदर टँक्स भरतील .गाव व परिसरात झाडे लावा ती ही फळांचीच लावा शो ची झाडे लावण्यापेक्षा फळ झाडे लावा .त्याची फळे आपली पुढील पिढीच चाखणार आहे आज आपण जी फळे खातो ती रासायनिक प्रक्रिया करुन तयार केलेली असल्यामुळे ते विषच आपल्या पोटात जात आहे स्वातंत्र्याचा अमृत महोत्सव साजरा करताना आपले आयुष्यमान का घटले याचाही विचार केला पाहीजे .चांगले काम करताना अडथळे येतातच रस्त्याने दुचाकीवर चालताना आपल्याला कुत्रे भुंकले तर त्याला आपण विचारतो का तु का भूंकलास म्हणून .त्यामुळे आपले काम आपण निट नेटके करा आरडा ओरड करणाराकडे दुर्लक्ष करा. महीलांना आवश्यक त्या सुविधा पुरवा. महीलामुळेच गाव प्रगती करतो शौचालयाचा वापर करा असेही ते म्हणाले.या वेळी जि प सदस्य शरद नवले यांनी गावात चालल्येल्या विकास कामाबाबत माहीती दिली सरपंच महेंद्र साळवी यांनी बेलापुर ही मोठी ग्रामपंचायत असुन वसुली नसल्यामुळे अनेक अडचणी येत असल्याचे सांगितले कार्यक्रमाचे प्रास्ताविक उपसरपंच अभिषेक खंडागळे यांनी केले तर प्रा ज्ञानेश गवले यांनी सूत्रसंचलन केले देविदास देसाई यांनी आभार मानले.
