राहुरी तालुका हदरला गोळीबारात एकाचा मृत्यू
राहुरी तालुका हादरला गोळीबारात एकाचा मृत्यू
राहुरी तालुक्यातील गुंजाळे परिसरामध्ये गावठी कट्यातून गोळीबार होऊन २५ वर्षीय अविवाहित तरूण ठार झाल्याची घडना घडल्याने तालुक्यात एकच खळबळ उडाली आहे.
अधिक समजलेली माहीती अशी की,आज सोमवारी सकाळी नऊ वाजेच्या दरम्यान गुंजाळे (ता.राहुरी) येथील टेलरींग काम करणारा प्रदीप एकनाथ पागिरे हा तरूण आपल्या दुकानात काम करत असताना अचानक दुकानातून गोळीबार झाल्याचा आवाज आला. सदर आवाजाने ग्रामस्थ तसेच त्यांच्या कुटुंबीयांनी दुकानात धाव घेतल्यानंतर प्रदिपच्या छातीत गोळी घुसून तो रक्ताच्या थारोळ्यात पडलेला आढळून आला.प्रथमदर्शनींनी त्यास तात्काळ रुग्णालयात हलवले मात्र त्या दरम्यान त्याचा मृत्यू झाला आहे. घटनेची माहिती समजताच श्रीरामपुर उपविभागीय पोलीस अधिकारी संदिप मिटके राहुरी पोलीस ठाण्याचे पोलीस निरीक्षक प्रताप दराडे यांच्यासह पोलिस फौजफाटा घटनास्थळी दाखल झाला आहे.
राहुरी तालुका
अशोक मंडलिक
