🔊 बातमी ऐका

प्रधानमंत्री आवास योजनेंतर्गत ७५८ घरकुले मंजूर,त्यातील २६५ घरकुले बांधकाम पूर्णत्वाकडे.उर्वरित ४९३घरकुल बांधकामे लवकर सुरू करावीत असे आवाहन

Rudraa News गट मध्ये सामील होण्यासाठी खाली दिलेल्या लिंक मध्ये जाऊन जॉइंट व्हा. https://chat.whatsapp.com/LNmsI6YAgK8I0oDl1k6FY6

-नगरपरिषद हद्दीत आतापर्यंत प्रधानमंत्री आवास योजनेंतर्गत ७५८ घरकुले मंजूर झाली असून त्यातील २६५ घरकुले बांधकाम पूर्णत्वाकडे असून उर्वरित ४९३घरकुल बांधकामे लवकर सुरू करावीत असे आवाहन नगराध्यक्षा सौ.शुभांगीताई पोटे यांनी घरकुल सूचना पत्र प्रदान कार्यक्रमात बोलताना केले.४९३मंजूर घरकुल लाभार्थीना सूचना पत्र वाटप सोमवारी

नगरपरिषदेच्या नूतन सभागृहात नगराध्यक्षा, तसेच उपनगराध्यक्ष संग्राम घोडके,गटनेते मनोहर पोटे आदींच्या हस्ते करण्यात आले त्याप्रसंगी सौ.पोटे बोलत होत्या.

सौ.पोटे म्हणाल्या प्रधानमंत्री आवास योजनेचा लाभ सर्व पात्रधारकाना मिळावा यासाठी आपण लक्ष देत असून नागरिकांमध्ये जनजागृती देखील केली आहे ज्यांनी अद्याप अर्ज केले नाहीत त्यांनी लवकर कागदपत्रांची पूर्तता करावी.

उपनगराध्यक्ष संग्राम घोडके यांनी बोलताना सुचनापत्र मिळालेल्या नागरिकांनी बांधकामे सुरू करावीत यात अडचणी आल्यास नगरपरिषद मदत करेल तर माजी नगराध्यक्ष गटनेते मनोहर पोटे यांनी बोलताना नागरिकांनी सौ.शुभांगी ताई पोटे यांना नगराध्यक्ष पदावर काम करण्याची संधी दिली आम्ही नगरपरिषद हद्दीत विविध सोयी सुविधा उपलब्ध करून दिल्या घरकुल योजना येताच नागरिकांना आवाहन केले अर्जावर पाठपुरावा करून २६५ घरकुले मार्गी लागली आताही ४९३ प्रकरणांना मंजूरी मिळाली यापुढे ज्यांना स्वतः ची जागा नाही पण जे झोपडपट्टी व इतर ठिकाणी राहत आहेत त्यातील शासकीय नियमाप्रमाणे घरकुल मिळवून देण्यासाठी आपण कटिबद्ध असून याचा पाठपुरावा करत आहोत नागरिकांना आवास योजना मिळवून देण्यासाठी सर्वतोपरी प्रयत्न राहील नागरिकांनी याचा लाभ घ्यावा असे आवाहन केले

यावेळी बापूसाहेब गोरे,अशोक खेंडके, रमेश लाढाणे,शहाजी खेतमाळीस,गणेश भोस,राजकुमार लोखंडे, सतीश मखरे,सौ.सीमाताई गोरे,गौतम घोडके ,एस.पी.कोथिंबीरे,आदी सह परिषद विभाग प्रमुख,नागरिक उपस्थित होते.