अनुज राजळे याची देशपातळीवर उत्कृष्ट तायकांडो खेळाडू म्हणून निवड…
अनुज राजळे याची देशपातळीवर उत्कृष्ट तायकांडो खेळाडू म्हणून निवड…
टाकळीभान येथील अनुज महेश राजळे याची उत्कृष्ट तायकांडो खेळाडू म्हणून देश पातळीवर निवड चाचणीत नुकतीच निवड झाली आहे.
भारतीय क्रीडा प्राधिकरण आणि भारतीय लष्कर यांच्यातील संयुक्त उपक्रमाने उत्कृष्ट तायकांडो खेळाडू निवड करण्यासाठी आयोजित ऑल इंडिया इंडक्शन रैली 12 ते 14 जुलै रोजी आर्टली सेंटर नाशिकला उत्कृष्ट तायकांडो खेळाडूंची निवड चाचणी आयोजित करण्यात आली होती.
त्यामधे भारत देशामधून 8 ते 14 वयो गटातील सुमारे 250-300 तायकांडो खेळाडूंनी भाग घेतला होता यापैकी 23 खेळाडूंची निवड करण्यात आली. यामध्ये टाकळीभानचे सुपुत्र अनुज महेश राजळे( वय 12 वर्ष) यांची निवड झाली आहे. अनुज हा गेल्या 4 वर्षापासुन् सिलवासा येथे तायकांडो खेळाचेचे ट्रेनिंग घेत आहेत. 5 जानेवारी पासुन् ते नाशिक आर्टिलरी सेंटर येथे जॉईन होणार आहे.
अंगणवाडीच्या सुपरवायझर सौ.मंगलताई राजळे यांचे ते नातू व क्रिकेटर महेश् राजळे यांचे सुपुत्र असून कबड्डी पट्टू दीपक राजळे यांचे ते पुतणे आहेत.त्याच्या या नेत्रदीपक यशाबद्दल टाकळीभान गावातील मान्यवर, पदाधिकारी, सरपंच, उपसरपंच,व मित्र परिवाराने खेळाडू चि. अनुज याचे अभिनंदन व कौतुक केले आहे
