बीडमध्ये फिल्मी स्टाईल थरार! धावत्या ट्रॅक्टरमधून तरुणाची धावत्या एसटीवर उडी; अनर्थ घडला*
*बीडमध्ये फिल्मी स्टाईल थरार! धावत्या ट्रॅक्टरमधून तरुणाची धावत्या एसटीवर उडी; अनर्थ घडला*
*बीडच्या माजलगाव तालुक्यात एखाद्या हिंदी सिनेमातील नाट्यमय घटनेसारखा थरार घडला आहे. माजलगाव-गढी महामार्गावरील शृंगारवाडी फाट्याजवळ दोन ट्रॉल्या घेऊन भरधाव वेगाने जात असलेल्या ट्रॅक्टरला ओव्हरटेक करणाऱ्या एसटी बसवर ट्रॅक्टरमध्ये बसलेल्या तरुणानं उडी मारली. यावेळी एसटीच्या डाव्या बाजूला धडकून रोडवर जोरात आदळल्याने तरुणाचा जागीच मृत्यू झाला*
*बीड: बीडच्या माजलगाव तालुक्यात एखाद्या हिंदी सिनेमातील नाट्यमय घटनेसारखा थरार घडला आहे. माजलगाव-गढी महामार्गावरील शृंगारवाडी फाट्याजवळ दोन ट्रॉल्या घेऊन भरधाव वेगाने जात असलेल्या ट्रॅक्टरला ओव्हरटेक करणाऱ्या एसटी बसवर ट्रॅक्टरमध्ये बसलेल्या तरुणानं उडी मारली. यावेळी एसटीच्या डाव्या बाजूला धडकून रोडवर जोरात आदळल्याने तरुणाचा जागीच मृत्यू झाला. ही घटना काल (मंगळवारी) सायंकाळच्या दरम्यान घडली. गजानन मारुती बनाईत (वय ३२ वर्षे, रा. शुक्लतीर्थ, लिमगाव ता.माजलगाव) असं मयत तरुणाचं नाव आहे*.
*गेवराई तालुक्यातील सिरसदेवीहून २ ट्रॉल्या असलेला ट्रॅक्टर कोळसा घेऊन माजलगावकडे जात होता. यावेळी पाठीमागून आलेली कल्याण-वसमत एसटी (एम.एच. २० बी.एल. ४४८८) ट्रॅक्टरला ओव्हरटेक करत होती. यादरम्यान ट्रॅक्टरच्या ट्रॉलीमध्ये बसलेल्या गजानननं एसटी बसवर उडी मारली. यावेळी तो एसटी बसच्या डाव्या बाजूला समोरील टायरच्या बाजूला धडकला व रस्त्यावर जोरात आदळला. त्याच्या डोक्याला गंभीर दुखापत होऊन त्याचा जागीच मृत्यू झाला. दरम्यान ट्रॅक्टर फरार झाला असून रात्री उशीरापर्यंत या प्रकरणी गुन्हा दाखल करण्यात आला नाही*.
*ज्या ट्रॅक्टरमधून गजानननं भरधाव वेगात असताना एसटी बसवर उडी मारली होती, तो ट्रॅक्टर घटनास्थळावरून फरार झाल्यानं हा नेमका प्रकार काय आहे, यात काही घातपात तर नाही ना, असाही संशय व्यक्त केला जात आहे. ही संपूर्ण घटना सिनेस्टाईलनं झाल्याचं पाहणाऱ्या व्यक्तीनं सांगितलं. आता हा घातपात आहे की आत्महत्या हा तपासाचा भाग असून या सगळ्या गोष्टीचा तपास पोलीस प्रशासन करत आहे*.
