ग्रामसभेत आजी-माजी सदस्यांमध्ये गदारोळ
मानोरी ग्रामसभेत आजी-माजी सदस्यांमध्ये गदारोळ
राहुरी तालुक्यातील मानोरीत आजी-माजी पदाधिकाऱ्यांमध्ये चांगलेच शाब्दिक चकमक होऊन एकमेकांच्या अंगावर धावून येण्याची घटना ग्रामसभेत घडली. पिण्याच्या पाण्याच्या पाईपलाईनच्या प्रश्नावरून वरून एका माजी ग्रामपंचायत सदस्यांनी आजी सदस्यांना शिवीगाळ केल्याचा आरोप एका विद्यमान सदस्यानी केल्यानंतर सभेतच चांगलीच खडाजंगी उडाली. शिवीगाळ करणाऱ्या माजी सदस्याला विद्यमान सदस्यांनी घेराव टाकत जाब विचारला माञ मात्र शिवीगाळ झाल्याच्या घटनेचा माजी सदस्याने सपशेल इन्कार केला. काहींनी मध्यस्ती करत अखेर वादावर पडता टाकला.माञ सदर घटनेचे ग्रामसभेत चांगलाच गोंधळ उडाला.
मानोरी (ता.राहुरी) येथील ग्रामसभा हनुमान मंदिराच्या सभागृहात पार पडली. सभेचे अध्यक्षस्थानी लोकनियुक्त सरपंच आब्बास भाई शेख, दयावान हे होते.तर सभेचे कामकाज ग्रामविकास अधिकारी मुरलीधर रगड भाऊसाहेब यांनी पाहिले . ग्रामपंचायत १५ वित्त आयोगाअंतर्गत झालेल्या विकास कामासंदर्भात चर्चा करण्यात आली. तसेच आगामी होणा-या विविध विकास कामांवर साधक-बाधक चर्चा करण्यात आली. जलजीवन अंतर्गत पिण्याच्या पाण्याची टाकी तसेच पाईपलाईन साठी शासकीय स्तरावर निधी उपलब्ध झाला आहे सदर कामाच्या नियोजनासाठी साधक-बाधक चर्चा करण्यात आली असून लवकरच हे काम सुरू करण्यात येईल अशी माहिती सरपंच अब्बास शेख यांनी सभेत दिली. चर्चा सुरू असलेल्या दरम्यान रस्त्याच्या प्रश्नावरून एका नागरिकांनी खाजगी रस्त्यावर शासकीय निधीतून रस्ता खडीकरण करावा अशी मागणी केल्यानंतर सदर सस्ता मालकीच्या असलेल्या व्यक्तीने त्यावर अक्षेप घेत त्या दोघांमधेही चांगलीच खडाजंगी झाल्याने एकमेकांवर धावून येण्याचा प्रकार देखील घडला आहे. एकंदरीतच ही ग्रामसभा चांगलीच वादळी ठरली.
*पाण्याच्या टाकीसाठी धुमाळ यांची जमिन बक्षिसपत्र
मानोरी येथे जल जीवन मिशन योजनेअंतर्गत पाण्याच्या टाकीसाठी एक कोटी २८ लाख रुपयांचा निधी शासन स्तरावर मंजूर झाला आहे. हि पाण्याची टाकीच्या बांधण्यासाठी डॉ. तनपुरे कारखान्याचे माजी चेअरमन रामदास विश्वनाथ धुमाळ पाटील यांची सून सौ.वनिता सुधीर धुमाळ यांनी आपल्या मालकीचे एक गुंठा जमिन बक्षीसपत्र दिल्याने त्यांच्या अभिनंदनचा ठराव ग्रामसभेत करण्यात आला आहे.
