विद्यार्थ्यांनी आपले ध्येय ठरवून ते प्राप्त करण्यासाठी प्रयत्न करावेत -मुजीब शेख, जिल्हा न्यायाधीश श्रीगोंदा
विद्यार्थ्यांनी आपले ध्येय ठरवून ते प्राप्त करण्यासाठी प्रयत्न करावेत -मुजीब शेख, जिल्हा न्यायाधीश श्रीगोंदा
कर्जत पोलीस स्टेशन व दादा पाटील महाविद्यालय कर्जत यांच्या संयुक्त विद्यमाने महिला सशक्तिकरण कार्यक्रम संपन्न..
कर्जत प्रतिनिधी – दिनांक १७ सप्टेंबर रोजी दादा पाटील महाविद्यालयात महिला सशक्तिकरण कार्यक्रमाचे आयोजन कर्जत पोलीस स्टेशन व दादा महाविद्यालय यांच्या संयुक्त विद्यमाने करण्यात आले होते. या कार्यक्रमास प्रमुख पाहुणे व मार्गदर्शक म्हणून श्रीगोंदा न्यायालयाचे अतिरिक्त जिल्हा व सत्र न्यायाधीश मा. मुजीब शेख उपस्थित होते. त्यांनी विद्यार्थ्यांना मार्गदर्शन करताना सांगितले की पूर्वीचे आणि आत्ताचे स्त्रियांचे कार्यक्षेत्र वेगवेगळे झालेले आहे. चूल आणि मूल एवढेच स्त्रियांचे कार्यक्षेत्र आता राहिलेले नाही. सावित्रीबाई फुले, आणि महात्मा फुले यांनी स्त्रियांना मानाचे स्थान मिळवून देण्यासाठी अहोरात्र कष्ट घेतले आहे. शिक्षणामुळे स्त्रियांना मानाचे स्थान मिळालेले आहे. सध्याच्या काळात घरासोबतच शाळा महाविद्यालय हे संस्कार केंद्र बनलेले आहे. प्रत्येक विद्यार्थी विद्यार्थिनींनी आपली ध्येय ठरवून अडचणींवर मात करून घेण्यासाठी सतत प्रयत्न केले पाहिजेत .आणि आई-वडिलांच्या अपेक्षा पूर्ण केल्या पाहिजेत. सर्वांनी एकाग्रतेचा वापर शिक्षणासाठी करावा आणि जीवन जगत असताना मनामध्ये अहंकार न बाळगता आत्मविश्वास बाळगावा अशा प्रकारचा बहुमूल्य संदेश शेख यांनी आपल्या मनोगतामधून व्यक्त केला.
यावेळी कर्जतचे उपविभागीय पोलीस अधिकारी अण्णासाहेब जाधव यांनी सांगितले की सोशल मीडियाचा वापर चांगल्या कामासाठीच करा आणि पुर्वीच्या काळी महिलांना असलेले स्वातंत्र्य परत मिळवून देण्यासाठी आपण सर्वजण प्रयत्न करूया असा मनोदय जाधव यांनी आपल्या भाषणातून व्यक्त केला. या कार्यक्रमांमध्ये डॉक्टर माधुरी गुळवे यांनीही महिला सशक्तिकरण करण्यासंदर्भात कॉलेजची भूमिका स्पष्ट केली. त्या म्हणाल्या कर्जत पोलिसांचे वेळोवेळी मदत व मार्गदर्शन तत्काळ मिळत असते याबाबत समाधान व्यक्त केले. या कार्यक्रमाचे प्रास्ताविक करताना कर्जत पोलीस स्टेशनचे पोलीस निरीक्षक चंद्रशेखर यादव म्हणाले की कर्जत पोलीस मुलींच्या आणि महिलांच्या समस्या जाणून घेण्यासाठी वेळोवेळी शाळा कॉलेजला भेटी देत असतात. आणि काही समस्या असेल तर लगेच त्याची दखल घेतली जाते. तसेच मुलींची पोलीस स्टेशनला सहल सुद्धा काढली होती. आणि कर्जत तालुक्यात सध्या मुलींना व महिलांना स्वतःच्या घरानंतर पोलीस स्टेशन हे हक्काच घर वाटावं यासाठी आम्ही काम करत असून त्यामध्ये चांगल्या प्रमाणात नक्कीच यश आल्याचं यावेळी यादव यांनी सांगितले . तसेच वेळोवेळी शाळा व कॉलेजला आम्ही भेटी देऊन मुलींना बोलते केल्याने आणि त्यांना विश्वास दिल्याने खूप मोठ्या प्रमाणावर तक्रारी प्राप्त झाल्या. आणि त्या तक्रारींचं कर्जत पोलिसांनी निरसन केलं आणि यापुढेही कोणत्याही प्रकारच्या अडचणी असल्यास किंवा कोणी त्रास देत असल्यास थेट कर्जत पोलीस स्टेशनला अथवा माझ्या मोबाईल नंबर वर संपर्क साधण्याचे आवाहन यादव यांनी केले.
या कार्यक्रमासाठी कर्जत न्यायालयाचे न्यायाधीश श्री. डी एम गिरी, श्री एम जे शेख, श्री आर व्ही थाईल उपस्थित होते. तसेच दादा पाटील महाविद्यालयातील सर्व विद्यार्थी, महात्मा गांधी विद्यालयातील विद्यार्थी तसेच सीनियर विभागातील व ज्युनिअर विभागातील सर्व शिक्षक उपस्थित होते . या वेळी कर्जत बार असोसिएशनच्या वतीने जिल्हा न्यायाधीश श्री शेख साहेब व इतर न्यायाधीश यांचा सत्कार करण्यात आला.
या कार्यक्रमाचे सूत्रसंचालन प्रा. स्वप्निल मस्के यांनी केले तर आलेल्या पाहुण्यांचे आभार उपप्रचार्य प्रमोद परदेशी यांनी मानले.
