तहसिलदार खाडे साहेब यांना उशीरा सुचलेले शहाणपण*
*तहसिलदार खाडे साहेब यांना उशीरा सुचलेले शहाणपण*
गेवराई तहसिलदार सचिन खाडे सद्या वाळू माफियांच्या पाठिमागे हात धुवून लागले आहेत. कधी अवैध रित्या वाळू वाहतुक करणा-या गाड्यावर कारवाई तर कधी वाळूच्या स्टॅकवर जाप्तीची कारवाई आशा सतत होत असलेल्या कारवार्यामुळे वाळू माफियांची झोप उडाली हे मात्र खरे असले तरी हे उशीरा सुचलेले शहाणपण असल्याची चर्चा गोदापट्यातील नागरिक करत आहेत.
गेवराई तालुक्याला गोदापट्टा मोठ्या प्रमाणावर लाभलेला आहे. या गोदापट्यातुन रात्र दिवस अवैध रित्या वाळूचा उपसा होत असुन सध्या तरी कोणतेही टेंन्डर सुरु नसतांना देखिल वाळू उपसा होतोच कसा ? गोदावरी नदित पाणी असताना पण गोदापट्यातील गावात मोठ मोठे वाळूचे स्टाॅक कसे व कोणाच्या आशिर्वादाने ? महसूल प्रशासनाने शासनाचा फायदा व्हावा या साठी पुर्ण ईमानदारीने काम केले तर पात्रातुन वाळूचा कण ही कोणी नेवू शकत नाही मंग घोड आडले कुठे तहसिलदार साहेब आपण वाळू माफियांवर कारवाई करत आहात याचे सर्वत्र कौतुक होत आहे .
परंतु एवढे मोठ मोठे स्टाॅक होईपर्यंत आपण काय करत होता असा प्रश्न तालुक्यातील सुजान नागरिकांना पडला आहे. आजवर रात्री उशीरा व पहाटे वाळू माफिया मुंडके वर काढत आता तर दिवसभर टॅक्टरच्या साह्याने अवैध वाळूची वाहतुक होत आहे.
हे आपणास दिसत नाही का? सध्या आपले कांम चांगले आहे आपण वाळू माफियांच्या नांग्या ठेचुन काढत आहेत आपले कौतुक होत आहे. पण हा उशीरा सुचलेला शहानपणा असल्याची चर्चा नागरिकांतुन होत आहे.
