टाकळीभान पत्रकार सेवा संस्थेने मोफत आरोग्य शिबिराचा स्तुत्य उपक्रम राबविला….माजी सभापती नानासाहेब पवार
टाकळीभान पत्रकार सेवा संस्थेने मोफत आरोग्य शिबिराचा स्तुत्य उपक्रम राबविला….माजी सभापती नानासाहेब पवार
टाकळीभान: पत्रकार दिनाचे औचित्य साधून टाकळीभान पत्रकार सेवा संस्थेने, बांधकाम कामगार टाकळीभान ,पंचशील फाउंडेशन व लाईफ लाईन हॉस्पिटल राहुरी यांच्या संयुक्त विद्यमाने मोफत आरोग्य तपासणी शिबिराचा स्तुत्य उपक्रम राबवला आहे असे प्रतिपादन शिबिराच्या उद्घाटनप्रसंगी माजी सभापती नानासाहेब पवार यांनी केले. शिबिराच्या उद्घाटन प्रसंगी उपसरपंच कान्हा खंडागळे, अशोकचे संचालक यशवंत रणनवरे, ग्रा. सदस्य मयूर पटारे, प्राचार्य जयकर मगर, मुकुंद हापसे, नारायण काळे, विलास दाभाडे, अशोक कचे, सौ.सुप्रिया धुमाळ, प्राथमिक आरोग्य केंद्राचे वैद्यकीय अधिकारी डॉ. राम बोरुडे, डॉ. सतीश गलांडे शिबिरासाठी सेवा देणारे डॉ. ऋषिकेश कवडे, डॉ. तौसिंन मन्सुरी, डॉक्टर दिनेश हेंबाडे, डॉ. आकाश बदे, डॉ. महेश हिवाळे, प्राथमिक आरोग्य केंद्राचे चांदणे, अभिनय नागले, आशा सेविका सीमा रणनवरे व प्राथमिक आरोग्य केंद्राचे कर्मचारी उपस्थित होते. या शिबिरात 265 रुग्णांनी लाभ घेतला.
यावेळी मार्गदर्शन करताना पवार म्हणाले की आरोग्य तपासणी व इतर दवाखान्याचा खर्च बाहेर मोठ्या प्रमाणावर येत असून तो सर्वसामान्य नागरिकांना परवडणारा नाही, शिबिरामध्ये आपली आरोग्य तपासणी मोफत होणार असून उपचार देखील मोफत करणार आहेत. शिबिराची ही अत्यंत चांगली सामाजिक सेवा असून पत्रकार बांधवांनी नागरिकांच्या आरोग्यसेवेसाठी उचलले हे चांगले पाऊल आहे.
यावेळी शिबिरासाठी सेवा देणारे सर्व डॉक्टर यांचा पत्रकार सेवा संस्थेच्या वतीने सत्कार करण्यात आला व शिबिरासाठी उपस्थित गावातील मान्यवर पदाधिकारी यांचे स्वागत करण्यात आले. लोकनेते अशोकराव कानडे आरोग्य तपासणी करून धावती भेट दिली,कार्यक्रम यशस्वी करण्यासाठी पत्रकार दिलीप लोखंडे, प्रताप लोखंडे, शरद लोखंडे,दत्तात्रय गव्हाणे भारत गुंजाळ, विठ्ठल लाड टाकळीभान पत्रकार सेवा संस्थेचे सर्व सदस्य पत्रकार बांधव यांनी प्रयत्न केले.
या कार्यक्रम प्रसंगी गजानन कोकणे प्रहारचे रघुनाथ शिंदे, प्रकाश धुमाळ,बापूसाहेब शिंदे, मधुकर गायकवाड, बापूसाहेब साळवे आदींसह शिबिरार्थी, ग्रामस्थ मोठ्या संख्येने उपस्थित होते.
