शरद कृषी प्रदर्शनाच्या मंडपाचे भूमिपूजन
शरद कृषी प्रदर्शनाच्या मंडपाचे भूमिपूजन
-
कृषी उत्पन्न बाजार समिती राहुरी यांच्या आयोजनातून व वाबळेज् इव्हेंट यांच्या संयोजनातून दिनांक 14 एप्रिल ते 18 एप्रिल 2022 दरम्यान बाजार समिती शेजारील नगर मनमाड रोडलगत वाय. एम. सी. ए. मैदान येथे कृषी महोत्सवाचे आयोजन करण्यात आले आहे
या प्रदर्शनाच्या मंडप भूमिपूजन समारंभ सभापती श्री. अरुण तनपुरे श्री. उपसभापती जालिंदर आढाव श्री. अजय वाबळे आदि मान्यवरांच्या हस्ते संपन्न झाला.
सदर प्रदर्शनामध्ये शेतकऱ्यांना आधुनिक तंत्रज्ञान, बी- बियाणे सेंद्रिय शेती पद्धती, गांडूळ खत निर्मिती, पशुखाद्य, हार्वेस्टिंग यंत्रे, ट्रॅक्टर्स आधुनिक अवजारे, रासायनिक खते, कृषी मार्गदर्शन पुस्तके, शेळीपालन, ठिबक सिंचन, सोलर उत्पादने, मच्छी व्यवसाय, मच्छी पालन, त्याचबरोबर महिला बचत गटाचे उत्पादने, ऑटो, गृहोपयोगी वस्तू, तालुका कृषी विभाग कृषी विज्ञान केंद्र धान्य महोत्सव खाद्यपदार्थ अशा अनेक नामांकित कंपन्यांचे स्टॉल या प्रदर्शनामध्ये असणार आहेत प्रदर्शनाचे उद्घाटन यांच्या हस्ते होणार असून या प्रदर्शनामध्ये मुख्य आकर्षण म्हणून दीड टन वजन व एक कोटी किंमत असलेला गजेंद्र रेडा शेतकऱ्यांसाठी पाहण्यासाठी उपलब्ध राहणार असून सदर प्रदर्शनांमध्ये सहभागी होणाऱ्या शेतकऱ्यांसाठी लकी ड्रॉ चेही आयोजन संयोजकांच्या वतीने करण्यात आलेले आहे प्रदर्शना दरम्यान प्रत्येक दिवशी शेतकऱ्यांना ऊस पीक, कांदा पीक, कपाशी, फळबागा विषयी विविध तज्ञांचे मार्गदर्शन व परिसंवाद कार्यक्रमाचे आयोजन करण्यात आलेले आहे. तसेच राहुरी नगरपालिकेच्या वतीने राहुरी तालुक्यातील बचत गट महिलांच्या स्टॉलची व्यवस्थाही केलेली आहे, धान्य महोत्सव, खाद्य पदार्थ स्टॉल उपलब्ध आहेत. त्यामुळे या प्रदर्शनामध्ये जास्तीत जास्त व्यवसायिकांनी सहभागी व्हावे व शेतकऱ्यांनी या आधुनिक तंत्रज्ञान प्रदर्शनाचा अवश्य लाभ घ्यावा असे आव्हान कृषी उत्पन्न बाजार समितीचे सभापती श्री. अरुण तनपुरे यांनी केले. प्रदर्शना मध्ये सहभागी होण्या साठी 94 23 38 63 26, 98 90 86 96 76 या नंबर वरती संपर्क साधावा या प्रसंगी संचालक वसंत कोळशे, दत्तात्रय कवाने, सुभाष डुकरे, प्रभाकर पानसंबळ, नंदकुमार तनपुरे, भाऊसाहेब भांड, नगरसेवक सूर्यकांत भुजाडी, दशरथ पोपळघट, अशोक आहेर, उपविभागीय कृषी अधिकारी विलास नलगे, तालुका कृषी अधिकारी महेंद्र ठोकळे, संदीप त्रंबके, जगन्नाथ रकटे, विजय करपे, डॉ. संकेत दुधाडे, प्रमोद शेठ बजाज. जरे साहेब आदी मान्यवर शेतकरी बांधव उपस्थित होते.
