महाराष्ट्र
मागासवर्गीयंच्या जागेवर संरक्षण भिंतीचे काम करावे
मागासवर्गीयंच्या जागेवर संरक्षण भिंतीचे काम करावे असे निवेदन ग्रामविकास अधिकारी रामदास जाधव यांना देताना सविधान ग्रुपचे सदस्य.संरक्षण भिंतीचे काम करावे
टाकळीभान, ता.९: येथील मागासवर्गीय समाज कल्याणच्या नियोजित जागेवर सपाटीकरण व संरक्षण भिंतीचे काम करण्यात यावे अशी मागणी संविधान ग्रुपच्या तर्फे (ता.९) निवेदनाद्वारे ग्रामविकास अधिकारी रामदास जाधव यांच्याकडे करण्यात आली आहे.
सरपंच, उपसरपंच व सदस्य मंडळाच्या सर्वानुमते गट नंबर ३२ मध्ये मागासवर्गीय समाजासाठी जागा राखीव केलेली आहे. १४ एप्रिल पर्यंत या जागेवर सपाटीकरण व संरक्षण भिंतीचे काम करण्यात येईल असे लेखी आश्वासन देण्यात आले होते. मात्र अद्याप सदर जागेवर कुठलेही काम न झाल्यामुळे मागासवर्गीय समाजच्या भावना दुखविल्या गेल्या आहेत. त्यामुळे तातडीने दिलेल्या आश्वासनाची वचन पूर्ती करावी असे सविधान ग्रुपचे अध्यक्ष विनोद रणनवरे, माजी ग्रामपंचायत सदस्य अप्पासाहेब रणनवरे, शंकर रणनवरे यांनी केली आहे.
